ازاي تتعاملي مع طفلك مفرط الحركة

ازاي تتعاملي مع طفلك مفرط الحركة

 معظم الامهات بتشتكى من ان طفلها كثير الحركة و بتقول عليه  (( شقى )) و هو بعد الشر عليه من الشقاء و ربنا يحفظه طبعا , بس اولادنا ليهم شفرة دايما و اسلوب للتعامل مع تلك الميزات .

انهاردة هنتكلم عن الطفل النشيط و صفاته وميزاته و كيف نتعامل معه و ايه اللى المفروض منعملوش معاه................

صفاته :

- طاقته كبيرة و يتميز بالحدة و العنف و من السهل تعرفى هو مبسوط ولا لأ و مقبل على الحياة بحماس.

-عنده طاقة زائدة بيحب اللعب و النط عن المشى و عنده صعوبة فى انه يقعد بهدوء.

- عنده صعوبة فى التأقلم على الاوضاع الجديدة او المتكررة زى النوم بدرى او الصحيان فى وقت ثابت .

- بيميل لانه هو اللى يكون متحكم فى الاحداث.

- ملهوش نمط ثابت و معندوش قدرة على التحمل ، ملول جدا من العابه و دايما عاوز يتعلم حجات وميزات جديدة .

- سهل تصرفى انتباهه عن اللى عاوزه و يعتبر متهور فى افعاله بسبب قلة الحركة.

ازاااااى نتعامل معاه ؟؟؟؟؟؟؟؟؟

- لاااازم نوفرله المجال لانه يحرق طاقته الزائدة , نشترك فى نادى و رياضة معينة . او نوديه اى حديقة فيها مساحة يجرى و يلعب فيها و الدنيا تبقى واسعة قدام عينه .

- لازم نعرف ان بداية نشاطه الزائد بيكون الصوت العالى حاولى تتفهمي سلوكياته وتصرفاته لانها ميزات وليست عيوب .

- جربى بعض المشاعر العاطفية  اللى انتى تحسى انها ممكن تخفف من نشاطه الزائد زى انك تشيليه او تحضنيه مثلا و هذه من ميزات الام المتفهمة

-دايما خلى اكل خفيف فى متناول ايده زى فاكهة او بسكويت او بقسماط مثلا لانه بيبقى مش بيقعد ياكل وجبة كاملة .

- المرونة التاااااامة معاه . لانه مش بيجى بالعند ابدا , و نتجنب المثيرات لغضبه بقدر الامكان لانها تحد من ميزات شخصيته .

- القصص المصورة اللى رسوماتها كبيرة و فيها تخيل كتير رائعة و بتساعد على توسيع مداركه و بتساعد على هدوءه .

العاب التركيب و البازل من اكتر الالعاب اللى بتهدى منهم و الافضل انك تلعبى معاه عشان ميزهقش بسرعة .

ابتكرى و اخترعى دايما العاب من ابسط الاشياء التي تنمي شخصيته و ميزات الى وهبها الله له

المفروض منعملش ايه :

- مينفعش تجبريه على الجلوس لمدة طويلة خاصة علشان ياكل او عند ضيوف مثلا ...... لانه ده هيضغط على اعصابه و هيدخل فى نوبة غضب .

- مينفعش تديله امر او مفهوم جديد و تحاسبيه عليه لانه بيحتاج دايما وقت عشان يتأقلم و كمان ده مهم بالنسبة للمذاكرة . يعنى فى المذاكرة مش هيقعد بالساعات و يحفظ , و لو الاسلوب مش مثير ليه و فيه انشطة مش هيلفت نظره و مش هيؤدى المطلوب منه.

متنتظريش منه التعلم السريع زى دخول الحمام لوحده او قفل زراير القميص مثلا , و متجرحوش بكلمة زى انت مش عارف تعمل حاجة او انت مش بتركز معايا ليه لان ده بيربكه و بيقلل من قدرته على التعلم.
لاستكمال المقال ادخل من هنا
توتير 
الفيس بوك